P-EBT

Kominike pou laprès ki soti nan Administrasyon Sèvis Fanmi ak Sosyal Indiana (FSSA)

Administrasyon Sèvis Fanmi ak Sosyal Indiana a anonse ke fanmi ki gen timoun ki resevwa manje gratis oswa a pri redwi nan lekòl la pral resevwa benefis "Transfè Benefis Elektwonik Pandemi" apati semèn sa a. Benefis sa yo gen entansyon ranbouse fanmi yo pou pri manje ke pitit yo pa t kapab resevwa akòz fèmti lekòl ki gen rapò ak COVID19.

  1. Fanmi ki pa resevwa SNAP kounye a ap resevwa yon kat transfè benefis elektwonik pa lapòs nan fen mwa me a, ansanm ak enstriksyon sou kijan pou aktive epi itilize kat yo a.
  2. Fanmi yo pa oblije aplike pou Pandemic EBT, ke yo rele tou “P-EBT.”
  3. Kat P-EBT a fonksyone tankou yon kat debi labank epi ou ka itilize li nan nenpòt magazen Ozetazini ki aksepte SNAP, men ou pa ka itilize li pou retire lajan kach nan machin ATM yo.
  4. FSSA te travay avèk Depatman Edikasyon Indiana pou idantifye fanmi sa yo dapre lefèt ke pitit yo deja ap resevwa manje gratis oswa a pri redui nan lekòl la.
  5. Fanmi ki deja resevwa benefis SNAP yo pral wè benefis adisyonèl yo aplike sou kont SNAP yo sou kat Hoosier Works EBT yo nan fen mwa me a.
  6. Pou P-EBT a, chak kay ap resevwa yon montan ki egal a valè alokasyon chak jou a pou dejene ak manje midi miltipliye pa kantite mwayèn jou lekòl yo te rate depi yo te anile lekòl la.
  7. Fanmi yo ap resevwa kantite lajan sa a pou chak timoun ki kalifye nan kay la pou kantite jou timoun nan te kalifye pou manje midi gratis oswa a pri redwi.
  8. Valè repa lekòl la pa jou egal ak to ranbousman federal la pou dejene ak manje midi nan to gratis la, ki se $5.70, jan Depatman Agrikilti Etazini presize sa.

Depatman Edikasyon Indiana a kalkile yon mwayèn 56 jou lekòl rate jiska fen ane lekòl la (ki gen ladan vakans prentan) pou elèv Indiana yo, li konte tout jou lasemèn yo soti 13 mas 2020 rive 29 me 2020. Premye dat la se te jou apre lòd egzekitif Gouvènè Eric Holcomb la ki te fèmen lekòl yo pou rès ane lekòl 2019-2020 an. Dezyèm dat la reprezante mwayèn dènye jou lekòl pou lekòl yo nan ane lekòl sa a.

-KOMINIKÈ POU NOUVÈL FSSA