Apati 13 me 2021, elèv ki gen 12 ak 17 an kalifye pou enskri pou resevwa vaksen Pfizer COVID-19 la. Elèv ki gen 18 an oswa plis kalifye pou enskri pou resevwa vaksen Pfizer, Moderna, oswa Johnson and Johnson COVID-19 yo. Kounye a, Depatman Sante Eta Indiana a PA egzije vaksinasyon kont COVID-19 nan lekòl. Chwa pou fè pitit ou a, ki gen 12 an oswa plis, pran vaksen an se desizyon chak fanmi. Objektif enfòmasyon ki anba a se pou reponn kesyon moun poze souvan sou kijan vaksen an afekte lekòl la epi pou bay resous pou fanmi ki vle aprann plis oswa ki vle enskri pou yon vaksen. Si ou gen kesyon espesifik konsènan vaksen an li menm, tanpri kontakte founisè swen sante ou.
Kesyon Komen sou Vaksinasyon ki Gen Rapò ak Lekòl la
K: Èske elèv mwen an ap bezwen mete l an karantèn si l gen kontak sere avèk yon moun ki gen COVID-19 pozitif yon fwa l fin pran tout vaksen an?
A: Non, yon fwa ou fin pran tout vaksen an (de semèn apre ou fin administre toulede dòz vaksen yo), ou pa pral bezwen mete an karantèn si ou se yon kontak sere toutotan ou pa devlope sentòm yo. Ou ta dwe kontinye siveye sentòm yo si ou ekspoze a li. Pou kounye a, yo pa detèmine konbyen tan yon moun ki pran tout vaksen an pa ta bezwen mete an karantèn si li ekspoze a li.
K: Èske absans pitit mwen an ap jistifye si l al pran vaksen pandan jounen lekòl la?
A: Wi, absans pitit ou a ap make kòm eskize pou peryòd tan li absan pou l resevwa vaksen li a. Yo ka mande w pou w bay prèv randevou a oswa pou w montre Kat Vaksinasyon CDC pitit ou a lè l retounen lekòl.
K: Èske elèv mwen an ta dwe mete an karantèn si li gen nenpòt efè segondè ak vaksen an?
A: Anpil moun p ap gen okenn efè segondè, men gen kèk ki ka santi doulè/anfleman nan zòn piki a, maltèt, fatig, kè plen, doulè nan kò, frison, oswa lafyèv. Elèv ki gen sentòm sa yo nan lespas 72 èdtan apre yo fin resevwa vaksen an lib pou kontinye vini lekòl epi yo pa bezwen mete yo an karantèn. Nou mande nenpòt moun ki gen lafyèv 100.0 degre oswa plis pou swiv règleman distri a epi rete lakay yo jiskaske yo pa gen lafyèv pandan 24 èdtan. Nou pa atann pou elèv yo gen efè segondè tankou pèt gou, pèt sant, konjesyon, oswa lòt sentòm respiratwa apre yo fin pran vaksen an. Si nenpòt nan sentòm sa yo rive, nou mande pou elèv ou a rete lakay li epi pou yo swiv pwotokòl COVID nòmal la (fè tès depistaj, otorize pa yon doktè, oswa izole pandan 10 jou).
K: Èske elèv mwen an ap toujou oblije mete yon mask lekòl apre li fin pran vaksen an?
A: Kounye a, Indiana anba yon avi pou moun mete mask, eksepte nan kèk bilding. Sepandan, lekòl yo rete anba yon manda pou mete mask pandan tout ane lekòl 2020-2021 an. MSD Martinsville a ap egzije tout moun, menm lè yo pran vaksen an, pou yo kontinye mete mask andedan kay la pou rès ane lekòl 2020-2021 an lè yo pa ap manje/bwè oswa patisipe nan aktivite ki mande anpil efò, an konfòmite avèk lòd egzekitif Gouvènè Holcomb la. CDC a deklare ke moun ki pran tout vaksen yo an sekirite pou yo rasanble andedan kay la ak lòt moun ki pran tout vaksen yo oswa andedan kay la ak yon lòt moun nan kay la ki pa pran vaksen an san yo pa mete mask.
K: Èske MSD Martinsville la ap egzije pou elèv yo resevwa yon vaksen COVID-19 pou ane lekòl 2021-2022 a?
A: Asanble Jeneral Indiana a bay Depatman Sante Indiana pouvwa sèl pou detèmine vaksen obligatwa ak rekòmande pou timoun ki ale lekòl K-12 (IC 20-34-4-2). MSD Martinsville pa gen otorite legal pou ajoute oswa retire vaksen nan lis vaksen obligatwa oswa rekòmande Depatman Sante Indiana a. Menm jan ak tout vaksen lekòl yo, lalwa Indiana pèmèt egzanpsyon medikal (IC 20-34-3-3) ak relijye (IC 20-34-3-2). Kounye a, vaksen COVID-19 la pa nan lis ni kòm yon vaksen obligatwa ni kòm yon vaksen rekòmande pou ane lekòl 2021-2022 a.
Vaksinasyon Lekòl Obligatwa ak Rekòmande pou Indiana pou ane 2021-2022 yo nan lis la a: https://www.in.gov/isdh/files/2021-2022%20Immunization%20Requirements.pdf
Ki kote pou enskri
Sal Atant Vaksen an: https://vaccine.coronavirus.in.gov/
Kroger: https://www.kroger.com/rx/covid-eligibility
Meijer: https://clinic.meijer.com/
CVS: https://www.cvs.com/immunizations/covid-19-vaccine
Walgreens: https://www.walgreens.com/findcare/vaccination/covid-19/location-screening
Enfòmasyon sou COVID-19
Enfòmasyon sou Vaksen CDC a: https://www.cdc.gov/coronavirus/2019-ncov/vaccines/index.html
Fich Enfòmasyon Depatman Sante Eta Indiana pou Elèv ki gen laj 12-15 an: https://www.coronavirus.in.gov/files/21_Youth%20Pfizer%20fact%20sheet_5-12.pdf
Fich Enfòmasyon sou Vaksinasyon pou Adolesan nan Depatman Sante Eta Indiana a: https://www.coronavirus.in.gov/files/21_Teen%20vaccine%20fact%20sheet_5-13.pdf
Vaksen COVID-19 Akademi Ameriken pou Pedyatri: Kesyon yo poze souvan:
https://services.aap.org/en/pages/2019-novel-coronavirus-covid-19-infections/covid-19-vaccine-frequently-asked-questions/